Mayor: Mga gaway ni Sabalones wa ma-monitor
CEBU, Philippines — Mga galamay sa miangkon nga usa ka druglord nga si Franz Sabalones, giingong wala mamonitor sa lokal nga kagamhanan sa San Fernando sigon pa sa mayor niini nga si Lakambini “Neneth” Reluya.
“Murag wala sa among perimeter bitaw, it’s a police matter although active ang mga people mga puroks,” sigon ni Reluya.
Dugang ni Reluya nga wala sila magkakita ug magka-istorya ni Sabalones sukad masukad.
Niadtong Sabado sa hapon girelibohan sa Police Regional Office-7 ang tibuok pwersa San Fernando Police Station gumikan sa nagkaluag nga operasyon kontra ilegal nga drugas bisan og migimok na usab ang mga galamay ni Sabalones. Kini mao ang gibutyag ni PRO-7 PCSupt. Debold Sinas.
Dugang niya nga imbestigahan pa nila ang mga girelibong mga polis sa San Fernando kon aduna ba silay kalambigitan sa mga galamay ni Sabalones.
“I could not say it. I could not deny or confirm it still under investigation,” sigon ni Sinas.
Samtang ang hepe sa Cebu Provincial Police Office nga si PSSupt. Manuel Javier Abrugena nagkanayon nga nagkaluag ang operasyon kontra drugas sa mga polis sa maong lungsong hinungdan nga sila girelibohan.
“Nagkaroon din ng complacency dito. We do believe because of their assignment here na nag-stay na ng four to five years. Masyado na sila na familiarize sa lugar,” matud pa ni Abrugena. (BANAT NEWS)
- Latest