PWD nga gikan prisohan gipatay

CEBU, Philippines — Patay ang usa ka sakop sa Person With Disabilities nga bag-o lang nakalaya sa prisohan human gipusil niadtong Biyernes sa hapon diha sa Sitio Bangkerohan, Barangay Tayud sa Lungsod sa Consolacion. Ang nakalas mao si Arnold Salarza samtang ang mga mamumuno wala mailhi.

Matud pa ni Police Officer 2 Bernardo Locmayon III, Desk Officer sa Consolacion Police Station nagsakay sa iyang motor si Salarza sa dihang gipusil kini sa wala mailhing mamumuno.

Patay na kini pag-abot sa tambalanan tungod sa walo ka mga samad pinusilan gamit ang 45 kalibre sa armas.

Blangko pa ang kapulisan sa motibo apan base sa inisyal nilang pakisusi niadto lang Disyembre nakagawas sa prisohan si Salarza tungod sa kalambigitan sa ginadili nga drugas. (/IBM)(BANATNEWS)