DOE niawhag sa pagdaginot

CEBU, Philippines — Gilusad sa Department of Energy bag-o lang ang “Save Save Save” nga kampaniya diin giawhag ang katawhan sa padayon sa pag-promote ug paghangop sa gitawag nga “energy-efficient lifestyle”.

Matud ni Felix William Fuentebella, tigpamaba ug undersecretary sa DOE nga ang ilang ahensiya nag-awhag sa publiko sa paghangop sa maong kinaiya. Nunot niini, si DOE secretary Alfonso Cusi nibutyag sa mga tip alang sa efficient nga paggamit sa lana sama sa pag-drive nga permamente ang gikusgon sa dagan sa sakyanan ug pag-anticipate na daan kong adunay mga stop o paghunong ug menosan usab ang load o timbang nga gikarga sa sakyanan.

Matud ni Cusi nga kinahanglang magpraktis usab ang tag-iya sa sakyanan og “Ang-cash Tipid” (Carpooling Program).

“Carpooling is an arrangement whereby several individuals travel together in a private vehicle. Carpoolers share the costs of gas and often take turns to drive to their common destination”, pasabot ni Cusi.

Dugang ni Cusi nga makadaginot usab sa gasolina kong planohon daan ang mga biyahe ug likayan usab nga mobiyahe panahon sa peak hours sa kadalanan nga huot ang dagan sa trapiko. (BANAT NEWS)