DOT nimando sa mga ahensiya paggama og TWG

CEBU, Philippines — Ang Department of Transportation nimando ngadto sa nagkalain-laing ahensiya nga ubos niini sa paggama og Technical Working Group alang sa pagtuki kabahin sa mga motorsiklo nga mag-operate isip public transportation.

Kini human giimplementar ang Temporary Restraining Order ug pending sa Korte Suprema ang pinal nga ruling sa law enforcement operations batok motorcycles for hire.

Ang  TWG maglangkub kini sa mga representante sa DOTr, Land Transportation Office (LTO), Land Transportation Franchising and Regulatory Board (LTFRB), Philippine National Police – Highway Patrol Group (PNP-HPG), Metro Manila Development Authority (MMDA), Senado, Kongreso, commuter welfare groups, road safety advocates, motorcycle manufacturers, motorcycle organizations ug law schools.

Ang tinguha sa TWG nga madiskusyonan ang saktong lagda ug kapasidad sa motorsiklo ug ang drayber alang sa public transportation service.

Kini maglangkub sa pag-ila sa klase sa motorsiklo nga pwedeng mahatagan og prangkisa, ang minimum cubic centimeter capacity motor, travel speed, franchise route, seat ug helmet requirements ug training requirements sa motorcycle bikers nga buot morehistro isip  Public Utility Vehicle driver.

Matud sa DOTr nga ang TWG motuki usab kabahin sa regulatory concerns on accountability alang sa seguridad sa mga pasahero kong ugaling madisgrasya kini.

Niadtong  Disyembre 5, 2018 niluwat og TRO ang Korte Suprema sa preliminary injunction nga giluwatan sa Mandaluyong Regional Trial Court (RTC) Branch 213 nga nagpabor sa padayon nga operasyon sa Angkas.

Matud pa sa DOTr nga ubos sa Republic Act No. 4136 kun "Land Transportation and Traffic Code," nagmando kini nga ang two-wheel vehicles dili pwede mamahimong usa ka public transport.  BDB (BANAT NEWS)