PRO-7 nagtuong dili na magkabalikay ni Osmeña
CEBU, Philippines — Ang kapulisan sa rehiyon siyete wala na naglaum nga mausab pa ang “working relationship” nila ngadto kang Cebu City Mayor Tomas Osmeña bisan pa man sa pagsugod niining tuiga.
Kini human sa miaging mga panagbangi sa kapulisan ug sa mayor mahitungod sa isyu sa sunod-sunod na pagpatay sa siyudad diin gipasangil nga adunay mga polis nga nalambigit niini apan walay gibuhat ang kadagkoan sa PNP bahin niini.
“I don’t think so, the issues are there. We don’t change overnight, we expect the same treatment ganito na talaga,”si Chief Superintendent Debold Sinas direktor sa PRO-7 miingon bahin sa posibilidad nga mausab ang pagtinagdanay nila sa mayor.
Dili lang sa Osmeña ang kirtikal sa kapulisan apan apil na pud ang Simbahan ug uban pang lokal na opisyal.
Apan si Sinas miingon nga bisan pa sa mga kritisismo padayunon nila ang ilang trabaho. Buot nalang nilang isipon nga kining mga pagsaway usa ka positive reinforcement aron mas ayuhon pa nila ang ilang trabaho.
“What we could do is to as much as possible accept their criticism constructively, but don’t expect us to further elaborate with their criticisms. We have our own mechanics in dealing with their criticisms, and use it on how we can improve in our performance,” sigon pa ni Sinas.
Basi sa ilang performance sa PRO-7 gikan Disyembre 2017 hangtod Nobiyembre 2018, niabot ang ilang operasyon kontra drugas og 6,469.
Nianang mga panahona nakadakop sila og 9,395 ka tawo, ang 182 niini naapil sa drug watch list.
Samtang 40, 575 ka gramo o kapin 40 ka kilong shabu ang nakuha nga adunay balor kaniadto of P500 milyones.
Samtang ang marijuana nakakuha sila 286,787 gramos, 23 ecatsy ug 450 ka armas.
Gisaad ni Sinas nga karong tuiga 2019 mas modako pa gyud ang ilang mabuhat itandi sa nakalabay nga tuig. (/IBM)(BANATNEWS)
- Latest
