Malinawon ang pagsugat sa Pasko

CEBU, Philippines — Gihulagway nila ni Konsehal Dave Tumulak ug Cebu City Disaster Risk Reduction Management Office (CCDRRMO) Nagiel Bañacia nga hapsay ug malinawon ra ang pagsaulog sa mga Sugbuanon atoll sa pagsugat sa Pasko.

Si Konsehal Tumulak, kinsa maoy tsirman sa Committee on Public Order and Safety ug Deputy Mayor for Police Matter mapasalamaton sa maong hitabo.

Asoy niya, gumikan kini sa Local Government Unit ug sa kapolisan nga mipaabot ngadto ngadto sa katawhan ang epekto sa paggamit og pabuto.

Dugang niini usa usab sa hinungdan nga nakab-ot ang maong kalampusan kini gumikan sa kampanya ni Presidente Rodrigo Duterte labot sa paggamit og pabuto.

Si Tumulak miingon nga sa pagsugat sa Bag-ong Tuig mahimo rang magsaba-saba apan likayan gyud ang mga pabuto ingon man ang pagpabuto og armas aron malikayan ang disgrasya.

“Mohangyo lang ta nila kung mahimo lang kaluwasan maoy atong prayoridad sa pagsugat sa Bag-ong Tuig. Likayan nato ang paggamit og mga firecrackers o ba kaha pyrotechniques”, matud ni ni Tumulak.

Samtang si Bañacia sa iyang bahin miasoy nga ang dakung sunog sa Brgy. Duljo-Fatima mao ang ilang natala.

Nanghinaut si Bañacia nga sa pagsugat sa Bag-ong Tuig magpadayon ang nasinati nga kalinaw.

“Magpadayon ang atong natagamtaman nga na-eksperensiya nga kalinaw”, ni Bañacia pa. (/DILT)(BANATNEWS)