Usbaw sa hinabang sa taga Mandaue
CEBU, Philippines — Nakadawat og cash incentives gikan sa kagamhanan sa Dakbayan sa Mandaue ang mga magtutudlo sa mga pampublikong tunghaan sa siyudad nga nagkantidad og P2, 500.
Ang maong cash incentives kabahin sa kantidad nga gisaad sa kagamhanan nga usbawan ang ilang madawat.
Sa nasayran, ang konseho sa Dakbayan sa Mandaue nga gipangulohan ni Bise Mayor Carlo Fortuna nagtinguha sa pagpausbaw sa cash incentives sunod tuig alang sa mga magtutudlo sa kabarangayan.
Nunot sa maong tinguha, daku ang kahigayonan nga mahatagan og katumanan ang maong tinguha nga mahimo na nga P10 mil ang cash incentives sanglit ang P2.4 bilyon nga gahin giaprobahan man sa konseho sa miaging sesyon.
Subay sa pag-aprobar sa maong budget, malakip sa makadawat og usbaw sa cash assistance ang mga senior citizens gikan sa P6 mil ngadto na sa P8 mil. Ang mga PWDs nga gikan sa P3 mil mahimo na unya kining P5 mil. (BANAT NEWS)
- Latest