Pag-legalize sa habalhabal suportado
CEBU, Philippines — Gisaad sa duha ka magbabalaud sa Siyudad sa Sugbo nga ilang suportahan ang pag-legalize sa habalhabal sa nasud.
Sigon ni Mayor Tomas Osmeña nga nahinabi na niya silang Congressman Raul del Mar ug Rodrigo Abellanosa kabahin niini.
“Just because something is illegal doesn’t mean it’s wrong. Slavery was once legal and the aiding of escaped slaves was once illegal. The law is not perfect, which is why it is subject to change,” matud pa sa Facebook post ni Osmeña.
Gibutyag sa mayor nga daghan na siyang nadawat nga mga reklamo gikan sa mga habalhabal drivers ug Angkas human miisyu og temporary restraining order ang Supreme Court sa operasyon sa Angkas. Diin matud sa mayor nga daghang nakulban og kaldero tungod niini.
“The law should adjust to people’s needs. The law is designed to serve the people. The people obey, but do not serve, the law,” matud niya.
Una nang gisaway sa oposisyon nga mga konsehal ang mayor ug mga kongresman nga wala matud pay gibuhat aron masulbad ang maong isyu.
Apan matud ni Del Mar nga napasaka na niya ang House Bill No. 6909 nga buot mo-regulate sa habalhabal operation.
Gani, ang maong bill maghatag og awtoridad sa siyudad ug munisipyo nga amyendahan ang Republic Act No.7160 kon Local Government ug Republic Act No. 4136 known o The Land Transportation Code.
“The status of the Bill is that it is pending with the technical working group of the Committee of Transportation for consolidation with the same or similar Bills filed on the subject matter,” matud niya.
Dugang ni Del Mar nga iyang i-follow-up ang maong bill inig balik sa ilang sesyon sunod tuig.
Si Abellanosa, sa iyang bahin, miingon nga usa siya sa co-author sa maong bill. (/DILT)(BANATNEWS)
- Latest
