Mga makasasala espesyal sa Ginoo
CEBU, Philippines – Mga magtutuo gipahinumduman sa ikaduhang adlaw sa Misa de Gallo nga bisan sa ilang pagkamakasasala ug kahugaw aduna gihapon silay bili, kay padayon nga naghigugma kanila ang Ginoo.
Gibase ni Fr. Alwin Malto, MSC sa Virgen dela Regla National Shrine sa Dakbayan sa Lapu-Lapu ang mao niyang wali subay sa pagbasa sa talaan sa kaliwatan ni Hesus, nga nagpakita nga kini dili lang usa ka Dios apan usa usab ka tawo.
Sumala ni Malto, walay perpekto o ideal nga pamilya kay sama usab sa kaliwatan ni Hesus sulod sa pipila ka mga henerasyon, adunay mga makaasala, hinungdan nga ang tawo ra usab ang makahimo sa pag-usab sa mga bati nga nahimo sa ilang mga kaliwatan.
Dugang pa niini nga ang mga makasasala adunay espesyal nga luna sa kasingkasing ni Kristo hinungdan nga bisan sa ilang kahuyang, kahugaw ug ka makasasala, aduna gihapon silay bili kay gihigugma man gihapon sila sa Labawng Makagagahum. (/DILT)(BANAT NEWS)
- Latest
