Kapitolyo kinahanglang molukat og building permit
CEBU, Philippines — Ang kagamhanan sa Probinsiya sa Sugbo kinsa nagplano sa pagpatukod sa P1.3 billion nga resource center diha sa Capitol Compound angayan nga molukat og building permit diha sa Siyudad sa Sugbo.
Si Bise Mayor Edgardo Labella, pangulo sa Cultural and Historical Affairs Commission (CHAC) nagkanayon nga ang building permit gikinahanglan kini una makatukod og edipisyo sa siyudad.
“If there is a heritage and historical dimension, it should be submitted to CHAC and NHCP (National Historical Commission of the Philippines)”, matud ni Labella.
Gibutyag ni Labella nga dunay mga grupo ug indibidwal nga nipadangat og suwat sa CHAC nga nagpadayag sa ilang mga concern kalabot sa nahisgutang proyekto.
Ang maong suwat nga nadawat sa CHAC naggikan sa Federation of United Architects of the Philippines, Eileen Mangubat, ug uban pa.
Si Mangubat, kinsa niserbisyo sa Cebu Archdiocesan Commission for the Cultural Heritage of the Church ang usa sa mga indibidwal nga nisuporta sa pagprotekta sa Cebu’s cultural heritage.
Giingong ang maong ipatukod nga 20 ka andana nga building nga resource center makaguba kini sa cultural heritage sa Sugbo. (/BDB)(BANATNEWS)
- Latest