Dino: MC-IITS solusyon sa traffic sa Metro Cebu

CEBU, Philippines — Masaligon ang mga sinaligan sa Malacañang dinhi sa Kabisay-an nga dako og matabang sa mga Sugboanon ang Metro Cebu Integrated Intermodal Transport System (MC-IITS) kun makasugod na kini og dagan karong tuig 2020.

Si presidential assistant for the Visayas Secretary Michael Lloyd Dino mibutyag kagahapon nga ang Phase 1 niini dako na og matampo sa panginahanglan sa maayong transportasyon dinhi sa Metro Cebu.

Matud ni Dino makonektar ang airport line sa Cebu Light Rail Transit (LRT) project, Bus Rapid Transit system ngadto sa MC-IITS common station.

 “Travel to Mactan Cebu International Airport has been critical nowadays. We need to ferry more and more people to and from the airport because the Terminal 2 of the Mactan Cebu International Airport operational has now been operational,” matud pa niya.

Iyaha usab nga gipasabot nga ang mga eksperto sa transportasyon nakakita nga gikinahanglan gyud sa Sugbo pang mass transport ang rail system.

“When the traffic problem is metro-wide, we need to solve it that far and wide. The Cebuanos need to unite that far and wide,” pasabot pang Dino.

Matud niya, LRT ra gyud ang makasulbad niini sa tibuok Metro Cebu. Tungod kay makadala kini og daghang pasahero.

Ang mga bus sama sa BRT, P2P (point-to-point bus system ug uban pa) maoy magdala sa mga pasahero diha sa LRT station. Apan kinahanglan nga kining mga BRT ug P2P adto ra gyud paagion sa mas lagpad nga kadalanan aron dili makatampo sa traffic.

Si Ilocos Norte Governor Imee Marcos, kinsa mokandidato sa pagkasenador karong midterm elections miingon nga kinahanglan gyung sulbaron ang problema sa trapiko dinhi sa Sugbo tungod kay nagkagrabe pa kini sa Manila.

Si Marcos kinsa nitambong sa tigom sa Philippine Councilors League nga gihimo dinhi sa Sugbu sa miaging semana miingon nga panahon na nga ang Sugbo makabaton pagbalik og railway system.

“I think overdue na ang Cebu for some kind of LRT or MRT or subway, it’s about time na we get that Cebu trains.That’s right they’ve been discussing that as early as the Cebu Express days na merong Carcar to Danao, antagal na nuon but it seems we’ve lost the right of ways and wala na yung train tracks. Perhaps it’s time to discuss that again not just from end to end of the province from north to south but more importantly more on the city where everyone is getting stuck,” matud pa niya.

Ang MC-IITS maoy gipasabot ni Marcos nga gihulagway niyang holistic comprehensive solutions aron masulbad ang problema sa trapiko.

Apan siya nipasidaan nga kinahanglang mokooperar ug dili gyud unta sagolan og pamolitika ang proyekto. Matud niya kun duna nay road map o masterplan kinahanglang ang tanan mosuporta.

Si Dino miingon nga kabahin kini sa gusto sa administrasyong Duterte nga makabaton og komportableng kinabuhi ang mga Pilipino pinaagi sa iyang “Build Build Build program.”  (BANATNEWS)