Mga bus sa MRTSi masugod na og biyahe

CEBU, Philippines — Magsugod na sunod semana ang tulo ka bus sa Metro Rapid Transit Service Inc.(MRTSI) pagdagan sa kadalanan sa Siyudad sa Sugbo alang sa libreng sakay sa mga Business Process Outsourcing(BPO) workers.

Si City Assistant Administrator Annabeth Cuizon miingon nga pakigtagboan nila ang mga concerned agencies alang sa krudo sa mga bus.

Nalatid sa Memorandum of Agreement(MOA) nga gipirmahan ni Mayor Tomas Osmeña ug Arnold Famudulan, General Manager sa MRTSI nga ang siyudad maoy moabaga sa krudo.

Ang matag bus makapasakay og 42 ka tawo ug magsugod kini og dagan gikan alas-9 sa gabii kutob alas-5 sa kaadlawon gikan sa I.T Park diin naa ang kadaghanan sa mga BPO companies paingon sa Juan  Luna Avenue ug vice versa.

Gawas sa BPOs mahimo sab makasakay ang si bisan kinsang nanarbaho sa gabii. (/IBM)(BANATNEWS)