5,000 ka bata sa Lapu-Lapu giimbitar sa Christmas party
CEBU, Philippines — Hilabihan ang kalipay sa kapin 5,000 ka bata gikan sa nagkadaiyang barangay sa Dakbayan sa Lapu- Lapu nga nakaapil sa pagtambong sa Christmas party kagahapon nga gipasiugdahan sa kagamhanan sa siyudad nga gipahigayon diha sa Hoops Dome sa Barangay Gun-ob.
Ang maong Christmas party sa kabataan gisugdan kini alas 10:00 sa buntag ug natapos sa alas 5:00 sa hapon.
Ang mga bata uban sa ilang mga ginikanan ug guardian nalingaw kini sa mga pasundayag sama sa magic ug gawas sa mga pagkaon gipanghatagan usab sila og mga dulaan.
Ang maong Christmas party nagsilbi kining pinaskohan sa siyudad ngadto sa kabataan.
Ang tanang mga bata gikan sa 30 ka barangay sa siyudad diin 11 niini ang naa sa Isla sa Olango ug 19 ang naa sa mainland ang imbitado sa maong Christmas party kagahapon. (BANAT NEWS)
- Latest