Backpacks bawal sa Basilica ug Sinulog Grand Parade

CEBU, Philippines —  Kapulisan sa rehiyon mipasidaan sa mga deboto ni Senyor Sto. Niño nga dili magdala og backpacks ug mga bug-at nga dalhonon kay dili ni sila pasudlon sa  ikordon nga parte sa Basilica Minore del Sto. Niño ug sa ubang dapit nga may kalihokan sa kasaulugan sa Fiesta Senyor 2019.

Si Police Chief Superintendent Debold Sinas ang director sa PRO-7 miingon nga pinaagi niini mas mapadali ang inspeksyon ug dili ni makadala og kahuot ug masiguro ang  seguridad  sa Fiesta Senor ug Sinulog Festival.

“For any activities no backpack na. If nag backpack ka paulion ka, wala depository sa backpacks, if naa mo mga bag dili mo pasudlon sa activity area. If ibilin na, dili gihapon pwede, there will be an announcement later on…no backpacks allowed within the vicinity of the church,” sigon pa ni Sinas.

Gihangyo ni Sinas ang mga debotos gikan sa mga lagyong probinsya nga ibilin lang kon asa sila nagpasilong ang ilang mga gamit kon buot nila managkot o mosuroy sa Sinulog.

Sugdan ang paghigpit sa seguridad karong Disyembre 10 niining tuiga hangtud nga matapos ang selebrasyon sa sunod tuig.

Si Senior Superintendent Royina Garma, director sa Cebu City Police Office miingon nga gisugdan na nila karon ang pagpalig-on sa seguridad sa mga hotels ug mga balay paabangan nga temporaryong puy-an sa mga bisita. – IBM, (BANATNEWS)