20 ka polis nangasakpan
CEBU, Philippines – Baynte ka mga polis sa Cebu City Police Office (CCPO) ang gipaimbestigaran human nangasakpang nangatulog, nagsugal, ug wala magtarong pagsuot sa ilang mga uniporme atol sa tingtrabaho.
Sigon pa ni Senior Superintendent Royina Garma sa usa ka press conference miaging adlaw nga apilon sa imbestigahon ang lima ka mga hepe sa maong 20 ka polis tungod sa ilang pagpabaya sa ilang trabaho.
Si Garma hilom nga mituyok sa lima ka mga police stations sa Pari-an, Abellana, Mabolo, Carbon ug sa Guadalupe. Ug didto niya nangasakpan ang gibuhat sa maong mga polis. Adunay mga natulog, nagduwa og billiards, nagduwa sa ilang selpon ug pwerteng hugawa sa ilang presinto.
“Some of violations, hindi nakasombrero, hindi naka tuck-in ang uniform, marumi ang uniform, hindi naka vest, ang iba natutulog talaga, ang iba naglalaro ng billiards, using their phones or reading newspapers, lahat ito pinagbabawal natin, and some madumi ‘yung post nila,” sigon pa ni Garma.
Ipaubos ang 20 ka pulis sa pre-charge evaluation diin tagaan sila ug higayon nga pag-esplikar sa ilang nabuhat.
Si Police Regional Office in Central Visayas (PRO-7) director Chief Superintendent Debold Sinas nga bisan pa naa pa sa pre-charge evaluation ang maong mga pulis, kandidato na ni sila sa moral recovery program nga molanat og 30 ka adlaw diha sa Regional Training Center, sa Pung-ol, Sibonga.
Gawas sa maong lima, aduna pay laing upat ka mga polis nga gisuspenso tungod sa wala pagtambong sa Internal Affairs Service inspection. (/IBM)(BANAT NEWS)
- Latest
