Social communicators sa simbahan nagtagbo

CEBU, Philippines — Nagtagbo ang 50 ka social communicators sa mga parokya sa Archdiocese of Cebu sa unang higayon alang sa pagsabwag sa mga umaabot nga kalihukan sa simbahan.

Matud ni Msgr. Agustin “Ting” Ancajas, chairman sa Social Communication sa Archdiocese of Cebu, nga kinahanglan gyud i-activate ang social communicators tungod kay daku kaayo og kalabutan ang communication sa dagan sa simbahan. Sumala pa ni Ancajas nga daghan kaayo ang kinahanglan buhaton aron makaylap ang mission ug ang pagpanerbisyo.

Gibutyag ni Ancajas nga tungod kay daghan interesado hinungdan nga sulod sa unang higayon ilang gitigum ang mga social communicators alang sa training ug aron usab sila mabansay dili lang sa technical apan lakip usab sa spiritual formation.

Gitug-an ni Ancajas nga ang ilang tigum sa mga social communicators dili maoy katapusan apan sinugdanan sa daghan pa nila nga mga kalihukan. (BANAT NEWS)