CCCI supak sa pag-amendar sa tax ordinance
CEBU, Philippines — Supak ang Cebu Chamber of Commerce and Industry sa giduso nga pag-amendar sa Local Tax Code sa Dakbayan sa Sugbo nga gipasar 24 ka tuig na ang milabay.
Sa iyang gisumiter nga position paper, si CCCI President Antonio Chiu miingon nga ang giduso nga 1.5 percent tax rate makapugong sa paghimo sa Cebu isip competitive alang sa mga magbubuhis ug mga imbestor.
“CCCI believes that the proposed ordinance is excessively high for the business community in Cebu City to absorb considering the effects of recent TRAIN Law, increase in minimum wage and the current high inflation rate,” tipik sa maong position paper sa CCCI. Bisan og nakasabot ang chamber sa plano sa pagpasaka sa tax base, matud sa CCCI nga dili makiangayon pabug-atan ang tax rates.
Silang Konsehal Margarita Osmeña ug si Konsehal Alvin Arcilla miingon nga modako ang makolektang buhis sa dakbayan kon maamendahan ang Ordinance LXIX or the Revised Omnibus Tax Ordinance nga gipatuman sukad pa niadtong Enero 1, 1994.
Ang Commission on Audit mipukaw sa atensyon sa siyudad kun nganong wala mag-upgrade ang maong tax ordinance sulod sa 24 ka tuig.
Samtang si City Treasurer Veronica Morelos miingon nga sa kasamtangang ordinansa, alkanse ang gagmay’ng patigayon sa gibayad nilang buhis itandi sa mga dagkong kompanya.
Dugang ni Morelos nga ang mga apektado sa 1.5 percent nga flat rate mao ang mga businesses nga mga dagko og kita.
“The flat rate will be counterproductive while the graduated scheme based on gross sales will encourage big businesses to remain in Cebu City,” sigon ni Chiu. (/IBM)(BANATNEWS)
- Latest
