Lahugay sa CCPO tungod sa promosyon
CEBU, Philippines – Gilahugay ang pipila ka hepe sa Police Stations (PS) ubos sa Cebu City Police Office. Apan matud sa tigpamaba sa CCPO, Senior Insp. Arieza Otida, nga dili kini tungod sa performance kung dili alang kini sa mga opisyal nga angayan na nga i-promote.
“The only reason for this one is due to promotional requirement gyud. As to accomplishment, makita nato nga walay problema ang atong mga officers to their respective offices,” si Otida niingon.
Si Chief Inspector Henrix Bancoleta kinsa kanhi hepe sa City Intelligence Branch gibalhin isip acting chief sa PS 6 samtang ang iyang gipulihan nga si Chief Insp. Allan Rosario gibalhin isip hepe sa Mobile Patrol Group (MPG).
Ang kanhi hepe usab sa MPG nga si Supt. David Señor gibalhin isip hepe sa (CPSMU).
Ang kanhi hepe sa Police Community Relations (PCR) Branch sa CCPO nga si Chief Insp. Keith Allen Andaya mag-hepe na sa PS 10 diin kauban usab niya ang iyang deputy chief sa PCR kaniadto nga si Senior Insp. Jonathan Dela Cerna.
Si Chief Insp. Clark Ariola, kanhi hepe sa PS 10 ug ang iyang deputy chief nga si Inspector Antonio Barade mao usab ang mopuli sa mabiyaang pwesto nilang Andaya ug Dela Cerna. Samtang sila si Inspec. Dexter Basirgo, kanhi hepe sa Traffic Patrol Group ug si Chief Insp. Jackyll Bilibli, kanhi hepe sa PS 9, magbayloanay og pwesto. (/GMR)(BANAT NEWS)
- Latest
