Loot nasuko sa PYC sa kapitolyo
CEBU, Philippines — Niulbo ang kasuko ni Daanbantayan Mayor Vicente Loot sa pagpahigayon sa Provincial Youth Commission og youth forum sa lungsod niadtong Sabado diin ang mga namulong ang iyang mga kaatbang sa politika.
Nakapasamot sa kasuko ni Loot ang wala pagtubag sa pangulo sa PYC nga si James Canoy sa iyang tawag ug mga text messages.
Buot unta ipaabot ni Loot ang iyang kabalaka sa maong opisyal nga kalihukan nga wala siya gipahibawo isip mayor ug bisan ang Municipal Social Welfare and Development Office nga maoy may full accountability sa kalihukan sa mga batan-on sa lungsod.
Matud ni Loot nga gawas nga gibahin-bahin ang mga batan-on, walay tahud ug insulto ang gihimo ni Canoy kaniya isip mayor.
“As the PYC, you should maintain that paragon of exemplary and model behavior for the youth to emulate,” matud ni Loot sa text message ngadto kang Canoy.
Si Canoy didto nihatag og pagpasabot sa maong kalihukan kang Provincial Board Member Sun Shimura.
Matud ni Canoy nga igo lang sila nitubag sa hangyo ni Konsehal Renillo Gullem kinsa maoy nihatag kanila sa venue ug participants sa forum samtang ang PYC ang nihatag sa materials ug snacks.
Si Gullem kinsa magpapili sa pagka-mayor sunod eleksiyon batok ni Shimura mao ang namulong kabahin sa human immunodeficiency virus (HIV) awareness.
Sugyot ni Canoy kang Shimura nga ang PYC mopahigayon og buwag nga forum sa mga batan-on apan wala gihapon kini gikahimuot ni Loot.
“Is this the lesson we want to enrich the minds of the youth? Obviously we are corrupting them! You are not in the league of political ignorants and parochial politicians down here using and exploiting the PYC office. If you consider your self as part of the youth generation, then you should know better,” matud ni Loot ngadto kang Canoy.
Dugang ni Loot nga kung gihimo kini ni Canoy alang sa gobernador, daku kining sayop sanglit daw sa naghimo lang kini og pader imbis taytayan. (BANAT NEWS)
- Latest
