Bag-ong building sa CCPO depektuso?
CEBU, Philippines – Gireklamo ni Police Senior Supt. Royina Garma, direktor sa Cebu City ang kontraktor sa bag-ong building sa CCPO kay giingong aduna mga kakulian pagtukod sa maong establisyemento.
Kagahapon gisuroy ni Garma uban ang kontraktor aron masuta nila ang mga depekto sa bag-ong building.
Matud ni Garma nga sukad nga mibalhin sila niini sukad siya milingkod sa katungdanan isip city director niadtong buwan sa Hulyo, aduna silay nabantayan nga depekto sa maong building.
Giingong gili lig-on ang rehas sa detention cell sa maong building.
“Like flooring, partition ng comfort rooms, yung kulungan natin parang kailangan ng bakal kasi di siya masyadong matibay. So, yun yung ipapaayos natin sa kanila,” matud ni Garma.
Dugang niya nga wala nay bayad kon ipaayo nila kini sanglit anaa sa ilang kontrata nga libre ra ang pagpaayo sulod sa usa ka tuig. “Pinakita lang naming kasi covered pa siya sa one year period na pwede pa nilang ayusin ang mga nasira. At no cost na yun kasi kasali na sya sa contract,” butyag ni Garma. (/DILT)(BANAT NEWS)
- Latest
