LGUs giawhag sundon ang Cebu City
CEBU, Philippines — Giawhag ni Senador Risa Hontiveros, Chairwoman sa Philippine Senate Women, Family Relations, and Gender Equality Committee nga ang Cebu City Ordinance 2339 (Anti-Discrimination Ordinance) nga nagdili sa diskriminasyon sa siyudad labot sa disability, edad, health status, Sexual Orientation, Gender Identity, ethnicity ug relihiyon sundon usab sa ubang mga Local Government Units (LGUs).
Si Hontiveros maoy keynote speaker sa kalihukan sa Siyudad sa Sugbo sa commemoration sa pagpasar maong ordinansa.
Niadtong 2012, ang konseho miaprubar sa anti-discrimination ordinance agi og pagtahod ug paghatag og dignidad sa tanang molupyo taliwa sa edad, sexual orientation ug ethnicity.
Ang makalapas niini pahamtangan og multa nga P1,000 ngadto na sa P5,000 o pagkabilanggo og usa ngadto na sa 30 ka adlaw.
Sigon sa Senador ang Cebu City maoy pioneering highly-urbanized city sa nasud nga naa niini nga balaod.
“Importante to kasi it gives teeth at the city level to our international commitments, sa ating international human rights conventions and even in our 1987 constitution that no human being, no citizen should be stigmatized or discriminated against deny the full exercise rights,” asoy ni Hontiveros.
Ang opisina sa mayor adunay lamesa nga mahimong dangpan kon sila nakasinati og diskriminasyon.
Nunot niini, si Hontiveros miasoy nga nadasig ang senado nga mapasar na sab nila ang anti-discrimination bill nga duha ka tuig na nilang nga gituki. -/IBM (BANATNEWS)
- Latest