5 pagka-mayor, bise mayor sa Cebu City

CEBU, Philippines — Lima ang kandidato sa pagka-mayor ug bise mayor sa Cebu City alang sa umaabot nga 2019 National ug Local Elections.

Gawas nila ni Mayor Tomas Osmeña ug Bise Mayor Edgardo Labella, dunay laing tulo nga magpapili sa pagka-mayor nga sila si John Dayondon, Paulino Osmeña ug Junry Concepcion.

Samtang dili lang sab sila si kanhi mayor Michael Rama ug Konsehal Mary Ann de los Santos ang mag-atbang sa pagka-bise mayor sanglit magpapili sab sila si Antonio Olvernario, Federico Peredo ug Antonio Rosaroso.

Si North District Election Officer, Atty. Marchel Sarno, niingon nga humana ang filing sa certificate of candidacy, ilang ideterminar ang nuisance nga kandidato kung ang ilang katuyuan mao lang ang paglawgaw sa eleksiyon ug sa kandidatura sa uban.

Kini nidugang nga sa petition to deny due course, bisan kinsa mahimong maka-file apan sa nuisance ang apektado lang diin duna sila’y lima ka adlaw sukad sa katapusang adlaw sa pagduso sa COC. (/GMR)(BANATNEWS)