Magpale, Garcia ug Cortes magsangka pagka gobernador
CEBU, Philippines – Dili pulos babaye ang magsangka sa guberanatorial race sa Probinsya sa Sugbo karong umaabot 2019 midterm elections. Gawas ni kongresista Gwen Garcia ug bise gobernador Agnes Magpale, ang magpatigayon nga si Roliveth Cortes o mas naila nga si “Klasmeyt Boyet Cortes” mao ang ikatulo nga buot magpapili pagka gobernador.
Kini na ang ika-tulong higayon nga si Cortes mosuway paglansar pagka gobernador, una niadtong tuig 2013 ug 2016 national elections. Midagan siya karon isip independent candidate samtang si Garcia maoy kandidato sa One Cebu-PDP-Laban ug si Magpale ang kandidato sa BAKUD-NPC (Nationalist Peoples Coalition).
Kagahapon sab si Magpale mi-file sa iyang COC isip gobernador.
Matod ni Magpale nga walay tension nga angay ikabalaka sa ilang pag-atbang ni Garcia dili sama niadtong 2013 diin siya nahimong acting governor human nga gisuspenso si Garcia.
Dugang niini nga bukas usab siya sa posibilidad nga magkauli silang Garcia.
Si Garcia sa iyang bahin nagkanayon nga wala na siya masurpresa nga nagbaylo og pwesto si Davide ug Magpale.
Matod niya nga iyang gikonsiderar si Magpale nga “worthy opponent” hinungdan nga maninguha usab siya nga makadaug sa umaabot nga piniliay. (/DILT)(BANAT NEWS)
- Latest
