Upat sikop sa buy-bust sa LLCPO
CEBU, Philippines — Upat ka giingong pusher ang nasikop sa managlahing buy-bust operation sa kapolisan sa Dakbayan sa Lapu-Lapu niadtong nilabay’ng adlaw diin kapin sa P200 mil ang kantidad sa shabu nga nasakmit.
Si Police Chief Inspector Jaime Tolentino sa City Intelligence Branch sa Lapu-Lapu City Police Office (LLCPO) niila sa ilang nadakpan diha sa Sitio Masulog, Barangay Basak sa maong dakbayan nga si Jerome Protacio Villanueva, 39, nasakmitan og 24 ka gagmay nga paketeng shabu ug P500 nga buy- bust money ug laing P500 nga gituohang halin sa ginadiling drugas.
Samtang sa Zone 1, Barangay Buaya sa maong dakbayan nadakpan si Edgardo Cuizon alyas “Darigold” sa buy-bust operation sa kapolisan sa Presinto 4 sa LLCPO.
Laing nasikop si Elbert Recones Flores alyas “Tibor”, 33, Mark Niño Anthony Ramos, alyas “Macmac”, 31, mga residente sa Barangay Bankal sa maong dakbayan.
Nasakmit sa kapolisan gikan sa maong mga suspetsado ang 10 ka gagmay nga paketeng shabu, kwarta nga giingong halin sa ginadiling drugas ug P500 nga marked money. (BANAT NEWS)
- Latest