Ordinansa sa moangkas sa motorsiklo ipausab
CEBU, Philippines — Usa ka konsehal ang gustong amendahan ang ordinansa nga nagdili sa mga bata nga nag-edad og siyete anyos paubos nga pasakyon sa motor.
Gustong usbon ni Konsehal Jocelyn Pesquera ang maong ordinansa ug sugtan ang bata nga bisag siyete anyos paubos basta makatukod kini sa sabyanan sa tiil, nagsul-ob og ensaktong helmet, ug makagakos sa drayber.
“It is imperative that City Ordinance No. 2033 should clearly define the prohibitions, exception and qualifying circumstances for it to be comprehensive and encompassing,” matud sa maong ordinansa.
Sigon ni Pesquera nga kinahanglan kining amendahan kay adunay mga bata nga mga taas na basta dili lang maabot sa highway nga daghan og mga sakyanan.
Matud ni Pesquera nga exempted ang pagdala o pagpasakay sa bata sa motor kon emergency kini.
Gusto sab sa konsehala nga mopatong og dakong penalty sa mga mosupak sa ordinansa. Mao kini ang proposed penalties; P1,000, P2,000, ug P3,000 alang sa una, ikaduha ug ikatulong paglapas.
Ang Cebu City Transportation Office ug Angkas mipadayag na og suporta sa pagpa-aprobar sa maong ordinansa. Ang maong proposed ordinance isumiter na sunod semana nga regular session alang sa final deliberation. (/DILT)(BANATNEWS)
- Latest
