Mamarokay sikop sa buy-bust
CEBU, Philippines — Nasikop ang usa ka19-anyos nga giingong mamarokay diha sa Sitio Litmon, Barangay Dumlog, Dakbayan sa Talisay niadtong Domingo sa udto.
Ang suspetsado mao si Lurey Jun Siano, 19, nagpuyo sa maong dapit giingong nasakmitan og 18 ka gagmay nga pakete sa shabu nga gibana-banang mokantidad tanan ngadto sa P10 mil.
Ang kapolisan nakadawat kini og tawag labot sa ilegal nga kalihukan ni Siano hinungdan nga nipahigayon sila og buy-bust operation batok sa suspetsado.
Si PO1 Melvin Medida maoy nagsilbing poseur buyer sa maong operasyon.
Si Siano nagtingkagol karon diha sa detention cell sa Talisay City Police Station. (BANAT NEWS)
- Latest