Palma: Panahon karon sa pagtinabangay
CEBU, Philippines — Si Archbishop Jose Palma sa Archdiocese of Cebu nipahigayon og hamubo nga pag-ampo alang sa mga nakalas sa landslide sa Sitio Tagaytay ug Sindulan sa Barangay Tinaan sulod sa badminton court sa Dakbayan sa Naga kagahapon.
Matud pa sa Arsobispo, ning panahon sa katalagman angay magkahiusa pagtabang ang tanan.
Ang artsidiyosisis molusad og relief and rehabilitation operation aron matabangan ang mga biktima.
Dugang pa sa Arsobispo, aduna gayuy mga panghitabo nga nagtangag og mga pangutana nga gikinahanglan ang tubag, apan taliwala niining mga misteryo sa kamatayon, kasubo, hilak ug pagbakho dalhon na lang kini tanan sa Ginoo uban sa pagsalig nga sa umaabot nga adlaw makadawat og kahupayan.
Gidayeg ug nagpasalamat ang arsobispo sa tanang mga nitabang ilabi na sa mga pamilya nga nagbangutan.
Ang arsobispo nipadayag usab nga dili karon panahon sa pagbinasulay, kung dili ang pagtinabangay ug pagpakita sa gugma apan malaumon siyang may hustisya nga mahatag ngadto sa mga nakalas. (/IBM)(BANATNEWS)
- Latest