Mga priso sa Badian Police Station nasakmitan og kontrabando
CEBU, Philippines – Mga kontrabando ang nasakmit atol sa gipahigayon nga greyhound operation diha sa detention cell sa Badian Police Station niadtong Huwebes sa buntag.
Ang maong greyhound operation nga gipangulohan ni Police Inspector Elmond John Mondaya gipahigayon human sa nagpadayon nga construction sa extension sa office of the municipal building diin makahimo sa pagsulod ang mga bisita nga dili na makita sa police station.
Ang mga priso nakurat niini ug giingong wala na nakahimo pagtago sa ilang mga kontrabando.
Nasakmit atol sa greyhound ang pito ka cellphone, mga charger, kagamitan sa pagsuyop og shabu ug usa ka gamay nga putos nga gituohang shabu.
Ang mga nasakmitan og kontrabando nga priso gipaubos sa imbestigasyon sa kapolisan. Giingong ang kapolisan mopahigayon pa unya og laing greyhound aron wala nay mga kontrabando nga makasulod sa detention cell. (/BDB)(BANAT NEWS)
- Latest