Duterte nia sa sugbo karon

CEBU, Philippines – Gisaka sa red alert status ang kapolisan alang sa pagbisita ni Presidente Rodrigo Duterte sa Sugbo karong adlawa.

Subay niini ang pagpahugot sa checkpoint ilabi na sa usa ka hotel sa Dakbayan sa Lapu-Lapu diin moderetso ang presidente.

Ipakatap niini ang pwersa sa Regional Public Safety Battalion inabagan sa pwersa sa lokal nga polis sa dakbayan.

"Actually basta naa si presidente, usually not less than 1,000 men to secure the area," matud ni Police Regional Office 7 director, Chief Supt. Debold Sinas.

Andam na sab sila sa posibilidad nga adunay magpahigayon og lihok protesta sa dapit.

Mao na kini ang ika-upat nga pagbisita sa presidente sa Sugbo sulod lang sa duha ka buwan. (/GMR)(BANAT NEWS)