Bana nanion og pusil sa asawa sikop
CEBU, Philippines – Nagtingkagol sa detention cell sa Talisay City Police Station ang 35-anyos nga lalaki human kini nasakmiti og armas sa kapolisan sa siyudad niadtong Lunes sa buntag diha sa Sitio Rattan, Barangay Tanke.
Ang suspetsado mao si Lloyd Barliso, residente sa maong dapit kinsa giingong nanion og armas ngadto sa iyang asawa nga si Jacqueline, 29.
Si PO1 Sherlyn Repel sa TCPS nagkanayon nga giingong buot makighilawas ang suspetsado ngadto sa iyang asawa apan ang biktima nibalibad tungod sa kalapoy sa iyang lawas.
Ang suspetsado nasuko kini nga gibalibaran hinungdan nga nikuha sa iyang kalibre .38 nga revolver ug gition ngadto sa biktima kinsa dali nga nakadagan ug nagpatabang sa kapolisan.
Ang suspetsado giingong nakita sa mga polis nga niresponde nga nagbarog-barog diha sa gawas sa ilang balay nagbitbit og armas hinungdan nga dali kining gisikop. (/BDB)(BANAT NEWS)
- Latest
