Daluz nangayo og TRO
CEBU, Philippines – Nangayo na og injunction ug temporary restraining order sa Court of Appeals si Konsehal Jose Daluz III sa Dakbayan sa Sugbo.
Si Daluz gisuspenso sa buhatan sa Ombudsman og unom ka buwan gumikan sa giingong tinagoang bahandi.
Malaumon ang kampo sa konsehal nga ang korte mobali sa desisyon sa Ombudsman.
Gikwestiyon sa Field Investigation Office sa Ombudsman ang pagsaka sa Statement of Assets, Liabilities, and Net worth (SALN) ni Daluz sa tuig 2007. Gipasabot ni Daluz nga ang pagsaka sa iyang SALN sa 2007 gumikan kini sa kabtangan nga iyang napanunod sa namatay na niyang inahan.
Ang kaalyado ni Daluz nga si Bise Mayor Edgardo Labella nakapangutana kun nganong gisilotan ang konsehal sa pagsulti sa tinuod.
Nanghinaut si Labella nga tan-awon og maayo sa korte ang kaso sa konsehal samtang kini masaligon nga mausab ang desisyon.
“I am confident that there will be a reversal of that finding because if only the investigating body considered the fact that what he increased mostly all of them were based on the inherited properties, personal properties from his mother who passed away,” matud ni Labella. (/GMR)(BANAT NEWS)
- Latest
