North U-turn slot sa SRP gisirad-an
CEBU, Philippines — Alas 12 sa kaadlawon niadtong Sabado gisirad-an ang north U-turn slot sa South Road Properties (SRP) nunot sa pag-ayo sa guba nga bahin sa karsada.
Ang north U-turn slot mao kini ang agian sa mga sakyanan nga gikan sa south nga gustong moagi sa Mambaling.
Hinoon bisan og gisirad-an ang north U-turn slot, ang operations chief sa Cebu City Transportation Office (CCTO), Francisco "Isko" Ouano, niingon nga dili ra huot ang dagan sa mga sakyanan sanglit weekend man.
Gipaabot nga sa Lunes sa kaadlawon buksan na ang north U-turn slot.
Dunay mga traffic enforcers ang magbantay sa dapit sulod sa 24-oras ug giabagan sa mga tawo gikan sa Department of Public Works and Highways -7.
Usa sa nakatampo nganong naguba ang dalan sa maong dapit mao ang kadaghan sa mga sakyanan nga mangagi. (/GMR)(BANATNEWS)
- Latest
