SK officials hatagan og allowance
CEBU, Philippines — Nagplano ang executive department sa Siyudad sa Sugbo nga mohatag og P2 mil nga monthly allowance ngadto sa 720 ka SK councilors, secretaries, ug treasurers.
Ang executive director sa Cebu City Local Youth Development Office nga si Jess Abellanosa miingon nga ang iyang buhatan maoy moproseso ug mo-monitor sa release sa allowance ug accomplishments sa mga SK official gikan sa 80 ka barangay.
Walay labot niini ang mga SK chairman kay aduna na man silay honorarium gikan sa barangay.
Mao unya kini ang labing unang higayon nga ang usa ka local government unit mohatag og honorarium sa mga SK official nga walay honorarium gikan sa barangay.
Ang P8.64 milyones nga budget alang sa monthly allowance sa 720 ka SK officials gikan Hulyo ngadto sa Disyembre karong tuiga lakip sa giduso nga P66.47 milyones nga Supplemental Budget-2.
Aron makakuha og monthly allowance, mangayo og accomplishment report, attendance sa mga meeting, minutes sa sesyon, mga kopya sa resolusyon ug uban pa ang opisina ni Abellanosa.
Apan mipadayag sa iyang reserbasyon si Konsehal Eugenio Gabuya, Jr. sa paghatag og monthly allowance ngadto sa mga opisyal sa SK kay basin og magsalig na lang sila niini. Si Abellanosa midugang nga maghimo sila og usa ka grupo aron mo-monitor sa accomplishment report sa mga opisyal sa SK. (/DILT)(BANATNEWS)
- Latest
