Pagduso sa COC giuswag sa Comelec

CEBU, Philippines – Giuswag sa Commission on Elections (Comelec) ang pagduso sa certificate of candidacy (COC) gikan sa Oktubre 1 hangtod 5 ngadto na sa Oktubre 11 hangtod 17.

Gikompirmar kini ni Atty. Lionel Marco Castillano, provincial election supervisor ug matud niya nga wala pa silay nadawat nga resolution kalabot niini.

Ang Commission on Elections (Comelec) niuswag sa pagduso sa COC human nihangyo ang mga magbabalaod sa Kongreso ug Senado kinsa nipalabang og resolution nga nag-awhag sa Comelec sa pag-uswag sa pagduso sa COC aron makatutok sila sa ilang legislative duties.

Ang Oktubre 11 adlaw kini nga Huwebes samtang ang Oktubre 17 adlaw nga Miyerkules.

Ang Comelec una na kining niawhag sa mga buot molansar nga motuman sa mga rekisitos nga gikinahanglan sama sa lima ka kopya sa ilang COC ug kinahanglan pirmado sa kandidato, adunay thumb print, adunay picture nga passport size, documentary stamps ug kinahanglan dili kalimtan ang certificate of nominations and acceptance (CONA). (/BDB)(BANAT NEWS)