Tabang ni Tom gidayeg ni Digong
CEBU, Philippines – Atol sa pagtambong ni Presidente Rodrigo Duterte sa kalihukan sa League of Municipalities of the Philippine Visayas Cluster Conference niadtong Martes, gidayeg niini si Cebu City Mayor Tomas Osmeña sa suporta nga gihatag sa niaging eleksiyon.
Apan giangkon ni Osmeña nga atol sa eleksiyon, ang iyang gisuportahan mao si Mar Roxas ubos sa Liberal Party nga kaalyado sa Bando Osmeña Pundok Kauswagan (BOPK).
Matud niya nga bisan si Roxas ang iyang gisuportahan apan wala niya atakiha si Duterte ug wala sab niya pasagdi.
“But there’s something that people don’t know why did he talked that way. I told the presidential candidate Rody Duterte, I said Rody I kept asking you if you are running, you said no, I’m here already with Mar, I can’t get out of this but I will do something for you, he said what I will protect your votes, I will see to it that no one will steal your votes,” tug-an ni Osmeña.
Ang mayor maoy nikuha sa tanang watchers ni Duterte sa Cebu City ug tanang allocations sa mga watchers ang BOPK maoy nag-atiman.
“Team Suyop only had Binay, I had the watchers of Duterte and the Liberal Party and Grace Poe and Miriam, that’s why I was able to guard the ballot better. That’s what I can do for him,” dugang ni Osmeña.
Nagkanayon si Osmeña nga daghan sa iyang mga alyado sa politika ang mosulti niya nga mosuporta kang Duterte ug dili niya kini mapugngan hinungdan nga naumol ang “Let’s DO it”. (/GMR)(BANAT NEWS)
- Latest
