Mga kawani ni Peter Lim giawhag sa kapolisan
CEBU, Philippines — Nanawagan si Police Senior Supt. Royina Garma sa mga trabahante sa kontrobersyal nga negosyante nga si Peter Lim nga motug-an ngadto sa kapolisan kon diin kini nagtago karong nalutsan na kini og warrant of arrest.
Pasalig ni Garma nga protektahan nila kon kinsa man ang makatug-an sa gitagoan karon ni Lim.
"Nanawagan ako sa mga driver niya, katulong niya, employees niya, kung makita nyo siya andito siya sa Pilipinas, you have to report sa kahit saang police station para mahuli siya. And I think you have to do this for your future, for the future of your children. Don’t just think of today just because you are being paid or being fed by him or because of the fear na nararamdaman nyo because you know him so well," matud pa sa maong direktor.
Apan kon dili sila motabang ug makita nga ilahang gitabon-tabonan kon asa si Lim, mamahimo silang maapil sa makasohan.
Si Lim giadto sa mga polis diha sa duha niya ka mga pinuy-anan sa Barangay Kasambagan ug sa Banilad aron unta dakpon pinasikad sa warrant of arrest labot sa kasong gipasaka sa Criminal Investigation and Detection Group batok niya nga nag-ingong usa siya sa mga dagkong tinubdan og drugas.
"It has something to do with intelligence but you see, when we talk of intelligence it needs community support gihapon," tubag sa maong direktor sa mga kritiko nga nisaway kanila kay wala nila madakpi si Lim. (/IBM)(BANATNEWS)
- Latest
