National ID wa pay IRR

CEBU, Philippines – Nagpaabot sa Implementing Rules and Regulations (IRR) ang buhatan sa Philippine Statistic Authority sa Rehiyon 7 human gipirmahan ni Presidente Rodrigo Duterte ang Republic Act No. 11055 o mas naila nga Philippine Identification System Act.

Matud ni Noel Rafols, tigpamaba sa PSA-7, nga nagpaabot na lang sila sa specific guidelines may kalabutan sa maong balaud.

Sumala pa ni Rafols nga pinaagi sa IRR adto nila makita kung unsa ang mga giya nga ilang buhaton ilabi na ang PSA maoy lead agency nga mangunay sa pagpatuman niini.

Ang Dakbayan sa Sugbo usa sa mga lugar sa Central Visayas nga napili isip pilot area alang sa National ID System.

Daghang mga tawo ang dili pabor sa maong balaud tungod kay mawagtangan sila og privacy. (/GMR)(BANAT NEWS)