Sinas nibisita sa CPDRC, drug test gipahigayon
CEBU, Philippines — Nikabat sa 115 ka personnel sa Cebu Provincial Detention and Rehabilitation Center (CPDRC) ang gipaubos sa drug test kagahapon.
Gikan sa blue guards, jail guards, administrative staff, job order personnel ug mga polis nga nitabang pagbantay sa CPDRC ang gi-screen.
Matud ni Reynaldo Valmoria, warden sa CPDRC, nga adunay pipila ka empleyado nga wala nitunga maong iya kining patubagon sa Lunes.
Wala pa hinoon ang resulta sa drug test nga gihimo.
Si Chief Supt. Debold Sinas, regional director sa Police Regional Office (PRO-7), nibisita sab sa CPDRC gahapon diin ilang gihisgutan ang kalabot sa drug test nga gihimo ug sa plano karon sa CPDRC nga i-rotate ang mga polis nga nitabang og bantay matag duha ka buwan.
Sa pagkakaron ang mga sakop sa Provincial Mobile Force Company (PMFC) ang nitabang pagbantay sa seguridad sa CPDRC. (BANATNEWS)
- Latest