Karaang modus may biktima gihapon
CEBU, Philippines – Higpit nga gipahimangnoan sa Mandaue City Police Office ang publiko nga maglikay nga mabiktima sa karaang modus sa pangilad.
Si MCPO director, Senior Superintendent Roberto Alanas, niingon nga ang grupo sa mga mangingilad ang magpatuo nga usa ka dakong opisyal sa kagamhanan ug manawag sa mga establisemento ug modapit sa ilang representante sa paghatud sa order unya pabayran.
Gipakita sa Mandaue City Public Information Office (PIO) Facebook page ang usa ka representante sa usa ka Japanese restaurant nga nahidangat sa buhatan ni Mandaue City Vice Mayor Carlo Fortuna aron pagsusi sa order niini pinaagi sa tawag.
Si Fortuna nahingangha sanglit wala man siya nanawag alang sa order nga pagkaon.
“Lumang modus na yan pero marami pa ring naluluko, kaya huwag basta-basta maniwala lalo na yung mga nasa tindahan,” matud ni Alanas. (/GMR)(BANAT NEWS)
- Latest
