Osmeña: Tax evaders angay tutokan ni Duterte

CEBU, Philippines – Samtang gidayeg ni Cebu City Mayor Tomas Osmeña ang ikatulong State of the Nation Address (SONA) ni Presidente Rodrigo Duterte, mas gusto niya hingusgan pa ang pagsumpo sa kurapsiyon.

Sigon sa mayor kinahanglang gukdon ang mga abusadong negosyante kay makaapektar sila sa panudlanan sa nasud.

Dugang ni Osmeña dunay mga iladong negosyo nga nanikas pagbayad og hustong buhis.  Dinhi sa Dakbayan sa Sugbo daghang gipasirad-an nga mga negosyo ang mayor tungod sa kalapasan sa Omnibus Tax Ordinance. Kini sama na lang sa duha ka sanga sa Rico’s Lechon lakip na ang ilang commissary diha sa Highway 77 sa Barangay Talamban, Vic Enterprise ug uban pa.

Gikonsiderar gihapon hinuon niya si Duterte nga usa sa ‘the best’ president sa nasud gumikan sa seryosong kampanya batok sa ginadiling drugas.

“You know our police department was selected as the most efficient anti-drug unit in the whole Philippines in all 7,000 islands. Now my question is, is this their idea of my withdrawing support to the police? How did that affect them when we’re number one?” sigon ni Osmeña. Ang Deputy City Director for Administration sa Cebu City Police Office nga si Supt. Artemio Ricabo nagkanayon nga mopadayon sila sa war on drugs kay kini maoy mando ni Duterte

"Nasugdan na man gud ni nato ang war on drugs so mostly among stand is we will continue kay og ato ning luagan gud ma-observe man gyud ninyo kung moluag-luag ta mobalik gyud. So we will continue, anyway that is the order of the President so all we have to do is to follow, " matud niya. (Kenna Kyla G. Calizar/IBM)(BANAT NEWS)