Laing sentro para sa CICL tukoron

CEBU, Philippines — Nagplano ang probinsya sa Sugbo nga magtukod og sentro nga dad-an sa bata nga nakalapas sa balaod diha sa Inayagan, Dakbayan sa Naga.

Kini pagatawgon nga Bahay Pag-asa alang sa mga Children in Conflict With the Law (CICL).

Ang Bids and Awards Committee (BAC) nangita na og kontraktor nga maoy motukod sa maong pasilidad human naaprubahan na ang budget nga P10 milyones para niini. Ang Pre-Bid Conference gikatakda kini inig Hulyo 30 didto sa Kapitolyo.  Ang lalawigan may susamang pasilidad nga gitawag nga My Home sa Lungsod sa Consolacion.

Apan si Bise Gobernador Agnes Magpale miingon nga kinahanglan duna say pasilidad alang sa habagatang bahin sa lalawigan. (BANAT NEWS)