Dul-an P500 mil shabu nasakmit
CEBU, Philippines — Dul-an sa tunga sa milyon ka pesos ang balor sa drugas nga nasakmit sa mga tinugyanan sa Philippine Drug Enforcement Agency sa Purok 4, Batinguel, Dumaguete City, Negros Oriental.
Ang nasikop mao si Adrian Svend Pinero, 31, ulitawo, walay trabaho ug residente sa maong lugar, kinsa nasakmitan og 19 ka putos nga ginadiling drugas nga balor og P476 mil, kagamitan sa pagsuyop, duha ka cellphones ug halin nga moabot sa dul-an P8,000.
Ang dinakpan nagtingkagol na karon sa prisohan ug gipaabot ang pagsang-at sa tukmang kaso karong Lunes. (/GMR)(BANATNEWS)
- Latest