Kapitolyo nangita gihapon og ad-agency

CEBU, Philippines – Ipadayon gihapon sa Kapitolyo ang pagpangita og advertisement agency nga motabang sa pag-promote sa mga programa ug proyekto lakip na kalamposan sa Kapitolyo pinaagi sa estasyon sa radyo ug telebisyon.

Kagahapon maoy schedule sa pre-bidding conference alang sa mga ad-agency nga buot mohatag og serbisyo sa Kapitolyo.

Matud ni Jone Sepe, pangulo sa Provincial General Services Office (PGSO)  nga buot gihapon sa Provincial Information Office (PIO) nga ipadayon ang pagpangita og ad-agency kini human nga nideklara og failure of bidding ang Bids and Award Committee (BAC) tungod kay walay nipakita nga bidder sa unang bidding nga gipahigayon sa BAC niadtong miaging bulan.

Ang Sonshine Radio ug Ideaz Solutions maoy niapil sa pre-bidding conference apan sa actual nga bidding wala na mobalik.

Base sa Procurement Law, human sa unang failure of bidding kinahanglan nga mopahigayon og re-bidding ang BAC kon dili iatras sa end user ang pagpangita niini og bidder.

Ug kong pakyas gihapon ang ikaduhang bidding anaa ra sa PIO kung ipadayon kini .

Ug kong ugaling ipadayon gihapon mamahimong mag-rebidding apan mamahimo na nga iagi sa negotiated procurement.

Ang Kapitolyo naggahin kini og kapin sa P3 milyones alang sa mapilian nga ad-agency. (/BDB)(BANAT NEWS)