Kaso sa lima ka polis sa Archival ambush gibasura
CEBU, Philippines — Duha ka mga dagkong opisyal sa Highway Patrol Group (HPG) 7 ang gi-dismiss sa serbisyo sa Office of the Ombudsman samtang lima nila ka mga sakop nga gipangkasohan tungod sa kamatayon ni Atty. Noel Archival ang nabasura ang kaso tungod sa kakuwang sa ebidensya.
Si Archival gibanhigan patay didto sa lungsod sa Dalaguete niadtong Pebrero 18, 2014 sa Barangay Corro, Dalaguete. Sa resolusyon sa Ombudsman, gi-dismiss sa serbisyo sila si Senior Supt. Romualdo Iglesia ug Senior Insp. Joselito Lerion tungod sa kasong grave misconduct.
Samtang ang gibasura ang mga kasong administratiba tungod sa graft ug qualified theft sa hepe sa HPG Cebu Province nga si Chief Insp. Eduardo Mara, SPO4 Edwin Galan, ug PO1 Alex Bacani.
Sila gipasanginlang nitabang aron magamit ang na-impound nga sakyanan isip getaway vehicle ug pagbaylo og plate numbers sa mga sakyanan nga gigamit sa pagpatay kang Archival.
“Mere possession and use of license plates belonging to another without proof of the actual injury sustained by its owners is not sufficient," pagbasa sa 16 pahinang resolusyon ni Graft Investigation and Prosecution Officer Myra Zipagan. Ang regional director sa NBI-7 kaniadto nga si Atty. Max Salvador nagtoo nga sila maoy responsable sa pagpatay ni Archival ug mga kaubang sila si Alejandro Jayme ug Candido Miñoza. Naka-survive sa maong ambush si Paolo Cortes.
Si Atty. Inocencio Dela Cerna, abogado sa mga gikiha mihangop sa desisyon sa Ombudsman kay nagpamatuod kini nga ang sakyanan nga giingong gigamit sa krimen imposibleng anaa sa duha ka lugar sa parehong oras. (The Freeman/IBM)
- Latest
