SONA gipangandaman sa kapolisan
CEBU, Philippines – Nangandam na ang kapolisan batok sa mga raliyista nga posibleng momugna og kagubot atol sa ikatulong State of the Nation Address ni Presidente Rodrigo Duterte karong Hulyo 23, adlaw’ng Lunes.
Ang direktor sa Police Regional Office-7 nga si Chief Supt. Debold Sinas nagkanayon nga isaka sa full alert status ang kapolisan sa tibuok rehiyon ilabi na sa Metro Cebu diin kasagarang pundokan sa mga aktibista.
“We just give the maximum tolerance as long as they are not disturbing the situation or the peace situation of the area,” matud ni Sinas.
Samtang ang hepe sa Cebu City Police Office nga si Senior Supt. Royina Garma nipadayag nga aduna na silay security plan alang sa SONA.
Si Garma namahayag nga magpabilin gihapon ang ilang checkpoint, pagmando sa trapiko ug uban pang operasyon sa kapolisan.
“Kung may magra-rally, meron tayong special unit to handle. My guidance is kung may mag-rally, maximum tolerance lang gyud,” dugang sa hepe sa kapolisan sa dakbayan.
Tradisyon na sa mga aktibista nga mag-rally matag SONA sa Presidente sa tumong nga madunggan ang ilang mga yangungo. (/GMR)(BANAT NEWS)
- Latest
