Mga incumbent officials pabor na sa “no- el”
CEBU, Philippines — Pabor na karon ang mga incumbent nga mga opisyal sa gobiyerno kon ugaling dili madayon ang 2019 midterm elections, sumala ni Gobernador Hilario Davide III.
Si Davide nagkanayon nga kon adto na sa 2022 ang sunod nga piniliay, makalikay og gasto ang mga nagplano nga magpapili sa eleksyon.
“Well kung walay elections, kung maapiki, then daghan malipay ana, bisan kami nga elected officials, tingali malipay mi kay wa nay gastohan ba, gasto baya ng election gyud,” matud ni Davide.
Si Speaker Pantaleon Alvarez ni-propose nga iuswag ang 2019 elections aron nga adunay igong panahon ang mga mambabalaod nga matuki ang transisyon sa sistema sa gobiyerno sa Pilipinas ngadto sa federalism.
Kon mairog ang piniliay, nagpasabot kini nga malugwayan usab ang termino sa mga incumbent officials sa gobiyerno.
Matud ni Davide nga anaa ra sa kongreso ang desisyon kon aduna bay eleksyon sunod tuig o wala sanglit anaa man sa balaod nga ang eleksyon mahitabo inig Mayo 2019. (BANAT NEWS)
- Latest