Way traffic enforcers ibutang sa N. Bacalso
CEBU, Philippines — Gipaabot nga magkaguliyang gyud ang trapiko sa Natalio Bacalso Avenue karong Lunes human mi-anunsyo silang City Mayor Tomas Osmeña ug Land Transportation Office-7 Head Victor Caindec nga wala nilang duha ang mo-deploy og traffic personnel sa Natalio Bacalso Avenue.
Si Osmeña miluwat na og order sa Cebu City Transportation Office nga i-pull out ang 24 ka mga traffic enforcers nga nagbantay sa lugar kon diin adunay konstruksyon nga underpass sa lugar.
Matud ni Osmeña nga mituman ra siya sa hagit ni Caindec kinsa miingon nga maayong mo-resign ang mayor kon iyang masulbad ang trapiko sa Mambaling.
Apan si Caindec miingon nga tarungon una nila ang kondisyon kon kanus-a mo-resign ang mayor kon masulbad niya ang trapiko.
“Just let them do their job. We will let them do the whole city ending in the Sinulog. Then, I may resign,” sigon sa mayor.
Matud ni CCTO Operations Chief Francisco Ouano nga nakadawat na siya og direktiba sa mayor nga i-pull out ang 24 ka mga enforcers aron ang LTO nga traffic enforcers ang mo-assists sa mga motorista sugod Lunes.
“Dako gyud na nga problema kon walay enforcers didto kay traffic gani nga naa pay enforcers. Samot na og wala,” sigun ni Ouano.
Matud ni Caindec nga kinahanglang matunghay kon unsay kondisyones nga mo- resign si Osmeña pagkamayor kon masulbad ang trapiko sa Mambaling.
Gani, matud ni Caindec nga problema sa mayor kon walay enforcers nga ma-deploy sa Mambaling area tungod iya kining obligasyon.
Dugang ni Caindec nga apil siya sa mga tawo nga maapektuhan sa trapiko tungod nagpuyo siya sa south district sa syudad.
“Mao bitaw ako gi ingon niya sa ako statement. Don't tell me how to do my job at LTO and I won't tell him how to run Cebu City.
Apil-apil siya og rehistro, wala man gani niya nasulbad ang baha, traffic ug basura sa Cebu City,” matud ni Caindec.
Tungod niini, gi-awhag ni Ouano ang mga commuters ug mga motorista nga mosayo og gikan karong Lunes tungod sa grabeng traffic (/IBM)(BANATNEWS)
- Latest
