Bucao sa Talisay ABC hayag na
CEBU, Philippines — Wala na’y babag ang kadaugan ni San Isidro Barangay Kapitan Marietta “Yehyen” Bucao alang sa pagka-presidente sa Association of Barangay Councils karong Hulyo 16.
Kini human gitigum na nila ni Kongresista Gerald Anthony “Samsam” Gullas ug Mayor Eduardo Gullas ang mga kapitan nga interesado sa pagpapili sa maong posisyon.
Una niini si Kapitan Cuenco Manreal sa Pooc ug si Kapitan Edward Alesna sa Poblacion pulos nagpakita og interes sa maong posisyon.
Apan si Bucao, asawa ni Bise Mayor Alan Bucao, niingon nga nagka-estorya na gyud silang tanan diin nasabutan nga siya na gyud ang ituboy sa partidong Alayon.
Sa niaging piniliay, duha lang sa mga kapitan nga dili iya sa Alayon ang nidaug sulod sa 22 ka barangay apan ang duha nihural ra sab dayun kang Mayor Gullas. (BANAT NEWS)
- Latest
