Rama, Labella maayo ang relasyon

CEBU, Philippines — Nagpabilin ang maayong relasyon tali nilang kanhi Cebu City mayor Michael Rama ug Bise Mayor Edgardo Labella nga pulos kaalyado sa Barug Team Rama taliwa sa tinguha sa duha nga magpapili sa pagka-mayor sunod eleksiyon.

Hinoon si Labella masaligon nga usa ra ang modagan sa pagka-mayor sa ilang grupo.

Matud ni Rama nga pamilya sila sa Barug Team Rama ug padayon sila nga nag-ampo ug mao sab ang iyang pahinumdum ngadto sa iyang kaubanan.

Karon Oktubre na ang pagsang-at sa certificate of candidacy sa mga gustong magpapili sa 2019 elections.

Kahinumduman nga nigawas ang taho nga mabuak ang grupo gumikan kay namahayag na sab kaniadto si Rama nga subli kining magpapili sa pagka-mayor samtang nakapadayag na sab si Labella sa samang tinguha. (BANAT NEWS)