Tumulak bukas sa pagka-bise mayor
CEBU, Philippines – Gihangop ni Konsehal Dave Tumulak ang pamahayag ni Cebu City Mayor Tomas Osmeña nga usa siya sa gikonsiderar nga mamahimong runningmate sa 2019 elections.
Ang mayor nipadayag nga duha sa mga konsehal sa Bando Osmeña Pundok Kauswagan (BOPK) ang gikonsiderar niya nga runningmate nga naglakip ni Konsehal Mary Ann delos Santos.
“Depende sad na sa mga tawo og tan-aw nila og daku tag matabang sa Siyudad sa Sugbo, why not, but if ang mga tawo moingon nga dili, dili sad ko kay naa pa man koy usa ka term. Kung makaayo sa konseho sa Siyudad sa Sugbo pag-unite sa legislative ug executive ato nang buhaton for the betterment of Cebuanos,” asoy ni Tumulak.Alang kang Tumulak wala siya’y plano nga modagan og mas taas nga posisyon apan kun pananglitan hatagan siya og kahigayunan sa katawhan gisaad niini nga mas doblehon pa niya ang iyang trabaho alang sa kaayuhan sa tanan ingon man sa dakbayan.Gipahibawo ni Tumulak nga sa 2019 midterm elections modagan gyud siya.
Samtang si Delos Santos wala pa sa Siyudad sa Sugbo sanglit nilarga kini sa Singapore. (/GMR)(BANAT NEWS)
- Latest